荷里活購入日漫《火影忍者》版權拍真人版

荷里活IP荒之下，任何故事都有機會被片商相中，即使日本漫畫歷來拍成西洋真人版唔多唔少都會「水土不服」，但總係有市場嘅。日前外媒報導指，一直有意開發漫畫《火影忍者》真人版電影嘅片商Lionsgate，敲定由為Marvel電影《尚氣與十環幫傳奇》執導兼有份編劇嘅Destin Daniel Cretton，出任《火影忍者》真人版導演及監製。
+ T4 J' T8 Z4 V2 T/ ]3 p* ~, l+ i
Destin Daniel Cretton有日裔血統，而且了解亞洲文化，對於近年積極吸納亞洲觀眾嘅荷里活而言相當吃香。導演拍過《尚氣》以外，早前亦執導過由楊紫瓊及關繼威主演嘅網劇《西遊ABC》（American Born Chinese)。

9 @. \3 h/ K* Z& n4 Q3 P今年係《火影忍者》原著面世25周年，單行本全球銷量高達2億5千萬本。呢套漫畫喺北美頗受歡迎﹐有線頻道Cartoon Network同Adult Swim都有播過，而家外國Comic Con都不時有人扮呢套漫畫嘅角色。
, y* `" |* D' l" m( ^: S' G7 T
《火影忍者》傳拍真人版嘅消息，大大話話由2015年起已經傳出，中間有消息話《大娛樂家》導演Michael Gracey會執導，並由《盜墓者蘿拉》動畫版影集嘅女編劇Tasho Huo執筆，結果中間多番轉折，上述2個人名都喺呢個project fade out咗。

不過講咗咁多，查實觀眾們想唔想睇《火影》拍真人版先？入面咁多忍術，有啲都幾超現實，點拍先好睇？卡士用唔用洋人好？對白講英文點先唔突兀？呢啲問題交畀導演諗喇～